ترے فراق کے لمحے شمار کرتے ہوئے

Author
Published جون 16, 2019
ترے فراق کے لمحے شمار کرتے ہوئے



ترے فراق کے لمحے شمار کرتے ہوئے

ترے فراق کے لمحے شمار کرتے ہوئے
بکھر چلے ہیں ترا انتظار کرتے ہوئے

تو میں بھی خوش ہوں کوئی اُس سے جا کے کہہ دینا
اگر وہ خوش ہے مجھے بے قرار کرتے ہوئے

تمھیں خبر ہی نہیں ہے کہ کوئی ٹوت گیا
محبتوں کو بہت پائیدار کرتے ہوئے

میں مسکراتا ہوا آئینے میں اُبھروں گا
وہ رو پڑے گی اچانک سنگھار کرتے ہوئے

مجھے خبر تھی کہ اب لوٹ کر نہ آؤں گا
سو تجھ کو یار کیا دِل پہ وار کرتے ہوئے

وہ کہہ رہی تھی سمندر نہیں ہیں انکھیں ہیں
میں اُن میں ڈوب گیا اعتبار کرتے ہوئے

بھنور جو مجھ میں پڑے ہیں وہ میں ہی جانتا ہوں
تمھارا ہجر کے دریا کو پار کرتے ہوئے

ایک تبصرہ شائع کریں

Pages

تمام جملہ حق بحقوق اردو کہانیاں محفوظ ہیں۔ © 2023